Nokon har fått ei bønegåve og kan vera i bøn både vel og lenge, for andre er det ikkje slik.

Det kan tvert i mot vera noko ein strevar med.

Uansett er bøneretten ei fantastisk gåve Gud har gjeve oss. Same kva utrustning ein har, er bøn noko me kan veksa i og få djupare erfaringar i.

På dette nettverket vil me ha fokus på både ulike former for bøn, og korleis me kan veksa i bøn utan at det skal verta eit strev.

Andreas Kjøndal er lærar ved KVS Lyngdal, og har i fleire år gått tett på elevane og vore med å starta opp det som vert kalla «Krigarane»  - der å snakka ærleg om livet, bekjenna synd og be for kvarandre står sentralt. Erfaringa er frigjorte og oppreiste liv. Korleis kan me ta dette med oss inn i forsamlingane og fellesskapa våre?

Eli Skåland Tveitane bur i Norheimsund og Reidun Haugen Dalseth bur i Herand, og dei saman med fleire har danna eit bøne-nettverk i Hardanger. Dei vil dela sine erfaringar, og korleis nye ting kan veksa fram gjennom bøn.

Dei har begge vore engasjert i bønearbeid.